Чавков и уште други четири осудени лица во Штипскиот затвор се позитивни на коронавирусот
Објавено на 8 април, 2021 во 08:28
08.04.2021
Петмина затвореници како и тројца вработени во Штипскиот затвор имаат позитивен тест на ковид 19.
Поранешниот директор на Бирото за јавна безбедност (БЈБ), Митко Чавков, е меѓу петмината осуденици кои се позитивни на ковид-19, објавија повеќе медиуми.
Тие се повикуваат на изјава на директорот на затворот Мики Тодоров, кој соопштил дека заразените се издвоени од останатите осуденици.
Чавков издржува 16-годишна затворска казна откако во март 2019 година беше осуден за терористичко загрозување на уставниот поредок и безбедноста во врска со упадот во Собранието од 27 април 2017 година.
