Царовска: Помнењето на факти не е основа на образованието, да научиме да истражуваме и да се стекнеме со знаење

20.04.2021

Законот за комбиниран модел за употреба на печатени и дигитални учебници е значајна промена за која ќе се води дебата и значајно е да сме конзистентни ако до вчера се дискутираше за учебници за криминал, корупција, јас сум среќна што денес разговараме за квалитет на учебниците, изјави министерката за образование Мила Царовска.

Таа напомена дека со овој закон за учебници ќе се поставуваат филтри кои треба да обезбедат квалитетни содржини во учебниците.

-Ќе бидат вклучени претставници од комиси и експерт кои ќе ги корегираат содржините каде имаше дискриминација. Тие учебници ќе бидат минато и ќе се фокусираме на тоа што значи квалитетен учебник, изјави Царовска.

Министерката објасни дека сите земји во регионот за почеток се водат со комбиниран модел за да се дојде до дигитализација. Во врска со здравјето на децата за тоа колку време ќе треба да поминуваат децата на дигиталните уреди, Царовска рече дека непродуктивно поминато време на кое сме сведоци сега преку промената ќе довде до изнаоѓање на продуктивни работи да најдеме квалитетни информации.

-Оваа промена ќе придонесе до значење дека бубањето и помнењето на факти не е основа на образованието тука да научиме да истражуваме и да се стекнеме со знаење, изјави таа.