Многу топло, сончево со температури над 40 степени
Објавено на 19 јули, 2023 во 09:18
Времето денеска ќе биде сончево и многу топло со слаб до умерен ветер претежно од јужен правец. Минималната температура ќе се движи во интервал од 15 до 23 степени, а максималната од 31 до 41. УВ-индексот ќе изнесува десет.
Во Скопје времето ќе биде сончево и многу топло со слаб ветер од променлив правец.
Од УХМР најавуваат дека во наредните денови ќе се задржи многу топло време, со високи температури. Утринските температури на повеќе места ќе бидат над 20, а дневните наместа ќе достигнуваат и над 40 степени поради што ќе биде активно портокалово ниво на опасност од високи температури.
Во четврток попладне ќе има услови за изолирана појава на краткотрајна нестабилност, а во понеделник се очекува преодно благо опаѓање на температурата.
Дума.мк
