Облачно време со врнежи од дожд

Времето денеска облачно со повремени врнежи од дожд, а на планините од снег каде снежната покривка ќе се зголеми. Пообилни врнежи ќе има кон крајот на денот и во текот на ноќта претежно во јужните делови. Ќе дува слаб до умерен ветер од североисточен правец.

Под влијание на нов влажен бран и утре времето ќе биде облачно со повремени врнежи од дожд, а на планините од снег. Утре локално врнежите ќе бидат пообилни над 20 л/м2, а на планините ќе се формира нова снежна покривка. Во петок и сабота ќе настапи преодно стабилизирање на времето, а во недела ќе има локални врнежи од дожд.