Спасовски: ВМРО-ДПМНЕ ја дефокусира јавноста!
Секретарот на СДСМ, Оливер Спасовски денеска обвини дека ВМРО-ДПМНЕ секогаш кога им крахира политиката со неосновани и неаргументирани напади ја дефокусира јавноста.
„ Mораме да го чуеме одговорот на Груевски на следните прашања: Зошто Македонија нема да биде спомената во заклучоците на претстојниот Самит на ЕУ? Зошто ја загубивме поддршката на традиционалните партнери за членство во ЕУ? Зошто Македонија постојано е на дното на светските листи по медиумски слободи и права? Зошто многу од политиките во образованието на оваа Влада пропаѓаат? – Зошто крахираат реформите во здравството, образованието и во многу други сегменти на општественото живеење? – рече Спасовски.
Реагираа од ВМРО-ДПМНЕ.Велат дека Спасовски се обидувал со конфузни и нервозни изјави да манипулира со граѓаните. Ако имале внатрепартиски проблеми, партијата на власт ја советува опозиционата СДСМ да си ги решаваат самите, а не виновник да бараат во ВМРО-ДПМНЕ.
