Поради магла намалена видливост до 100 метри на патниот правец Тетово – Желино
Објавено на 22 декември, 2022 во 09:35
Сообраќајот на државните патишта се одвива непречено, по претежно суви коловози. Поради појава на магла, видливоста на патниот правец Тетово-Желино е намалена до 100 метри.
Поради зголемено ниво на вода на реката Радика, од 16.12.2022 урнат е мостот кој води кон селата Нистрово, Бибај, Тануше, Грекај и Нивиште (општина Маврово и Ростуше).
Авто Мото Сојуз на Македонија препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Дума.мк
