Променливо облачно и посвежо со локални врнежи од дожд

Времето денеска променливо облачно и посвежо со локални врнежи од дожд. Наместа во јужните делови врнежите ќе бидат поројни проследени со појава на грмежи. Ќе дува засилен до силен ветер од северен правец со брзина и над 60 км/час а дневните температури ќе се намалат за 4 до 6 степени.

Потоа во следните денови времето ќе биде стабилно, утре и во петок со ниски утрински температури, а дневните од сабота ќе бидат во позначителен пораст. Локална појава на нестабилност проследена со пороен дожд и грмежи се очекува во недела.