Променливо облачно време, попладне дожд
Објавено на 29 септември, 2022 во 09:29
Времето денеска променливо облачно со сончеви периоди. Од пладневните часови и особено во посеверните делови ќе има појава на краткотраен пороен дожд и услови за појава на грмежи. Ќе дува слаб до умерен ветер од јужен правец.
До сабота ќе преовладува променливо облачно време со умерен, повремено засилен јужен ветер. Денес ќе има краткотраен локален дожд и ретки грмежи, а во сабота ќе биде претежно облачно и нестабилно со поројни врнежи од дожд кои во западните делови ќе бидат пообилни.
Од недела ќе започне да дува северен ветер и температурите постепено ќе опаѓаат.
