Следува период на променливо облачно време со сончеви периоди

Времето денеска ќе биде умерено до значително облачно, во крајните североисточни подрачја ќе провејува слаб снег. Ќе дува умерен, повремено засилен ветер од северозападен правец, особено вдолж Повардарието. До крајот на денот облачноста ќе се намали.

Следува период на променливо облачно време со сончеви периоди и пораст на дневните температури. Во четврток и петок по одделни котлини ќе има појава на утринска магла и таму температурата ќе се задржи пониска. Во сабота попладне и во текот на ноќта ќе има слаби локални врнежи од дожд.