Сончево време со умерен ветер
Објавено на 28 јули, 2023 во 09:23
Времето денеска ќе биде сончево со мала до умерена облачност попладне и со слаб до умерен ветер претежно од југозападен правец. Минималната температура ќе биде во интервал од девет до 17 степени, а максималната од 23 до 34, информира УХМР.
Викендов не очекува сончево време со максимална температура до 37 степени.
До недела времето ќе се задржи стабилно, со свежи ноќи. Дневните температури ќе се покачат но ќе бидат во рамките на просечните за овој дел од годината. Во понеделник облачноста ќе се зголеми и ќе има услови за појава на нестабилност со краткотраен пороен дож и грмежи, соопшти УХМР.
Дума.мк