Законот за лустрација да се продолжи за десет години!

Лигата на социјалдемократи на Војводина во Собранието на Србија ќе ја покрене иницијативата за продолжување на законот за лустрација за уште десет години, а веднаш потоа и да почне неговата примена, најави шефот на пратеничката група на оваа партија, Бојан Костреш.

Законот за лустрација,чие комплетно име е Закон за одговорност за кршење на човековите права,престанува да важи на 11 јуни годинава.

“Десет години на најразлични начини се избегнува тој закон да биде во употреба и Србија да се соочи со своето минато:војни,инфлации,изолација,сиромаштија и јазик на омразата.Ако законот не биде продолжен за 100 дена, Србија ќе ја изгуби таа шанса“,навел Костреш во соопштението.

Тој додал дека лустрацијата е важен фактор во борбата против корупцијата,борбата за независно судство,борбата против секаков вид на насилство и воопшто борбата за подобра иднина./Б.Н.Т

Извор:Танјуг