Почна референдумот за независност на Шкотска
Објавено на 18 септември, 2014 во 06:48
Граѓаните на Шкотска почнаа да гласаат на денешниот референдум на кој единствено прашање е „ Дали Шкотска треба да биде независна држава?“, јави Радио Слободна Европа.
Неизвесноста на резултатот од гласањето е голема со оглед на тоа што е мала разликата меѓу оние што се за или против независноста на Шкотска.
Гласањето што почна во 8 часот по средноевропско време ќе трае до 23 часот, а првите резултати се очекуваат утре.
Доколку референдумот успее, Шкотска на 24 март 2016 ќе стане независна држава.
