Јужна Африка прва почна да ги користи вакцините „Џонсон и Џонсон“
Објавено на 18 февруари, 2021 во 11:23
18.02.2021
Денес во Јужна Африка започна вакцинацијата против коронавирус и таа е првата земја во светот што ја користи вакцината од американската лабораторија „Џонсон и Џонсон“.
Првата вакцина од вкупно 80.000 дози ја примила медицинска сестра во болницата во Кејп Таун пред камерите.
Вакцината ја примил и претседателот Сирил Рамафоза.
Уште 420 000 дози на американската лабораториска вакцина наскоро треба да пристигнат во Јужна Африка. Оваа вакцина обично се дава во единечна доза.
