Временска прогноза: Променливо облачно со локални врнежи од дожд
![](https://duma.mk/wp-content/uploads/2023/11/дожд.jpg)
Времето во Македонија претпладне ќе биде променливо облачно со локални врнежи од дожд, а попладне облачноста ќе се намалува. Ќе дува слаб, а во западните делови умерен ветер од југозападен правец.
Минималната температура ќе биде во интервал од 7 до 14 степени, а максималната ќе достигне 23 степени.
Во Скопје времето ќе биде променливо облачно, претпладне со повремен дожд, а попладне умерено облачно со слаб ветер од југозападен правец, со максимална температура од 20 степени.
До крајот на оваа седмица времето ќе биде променливо облачно со повремени локални врнежи од дожд.
Од петок попладне и во сабота врнежите на места ќе бидат обилни и повремено поројни (над 30 л/м2) и проследени со грмежи. Во петок и во деновите од викендот ќе дува засилен до повремено силен ветер од јужен правец (над 60 км/час).
Дума.мк
![](https://duma.mk/wp-content/uploads/2021/05/SEMM.jpg)