Нема договор за цената за грозјето
Објавено на 14 август, 2014 во 14:58
На средба во Министерството за земјоделство, лозарите и винарите не успеаја да ја договорат откупната цена на грозјето сезонава. Разликите меѓу производителите и откупувачите на грозје не се надминати.
Лозарите годинава бараат повисока цена за два денари од килограм за да се компензира за помалото производство и штетите предизвикани од пепелницата. Тие инсистираат на цена од 11 до 13 денари за килограм „смедеревка“ и 13 до 15 денари за сортата „вранец“. Винарските визби, пак, инсистираат на иста откупна цена како лани.
Заради неповолните временски услови, родот на грозје годинава ќе биде преполовен, а допрва се очекува да се види и квалитетот на грозјето.
