И „сингл“ можеш да уживаш!

Застани а потоа почни да работиш, унапреди ја кариерата и во слободно време дружи се со пријателите, флертувај. Така ќе уживаш во „самотијата“.

1. Биди продуктивна

Еден од начините како да уживаш во сингл статусот е да застанеш и да почнеш нешто да работиш – барај работа, започни нешто свое, најди ново хоби, патувај… Тоа може да биде било што, само е важно да почнеш да остваруваш. Сега имаш најмногу време за тоа.

2. Опкружи се со пријатели

Искористи го ова слободно време и за пријателите. Тие се првите за кои ќе имаш помалку време кога ќе се заљубиш. Организирај дружење, кое немора да биде седење во кафич, и забавувајте се. Со нив секогаш сè е полесно.

3. Унапреди ја својата кариера

Сега секако имаш време за уште нешто, а тоа е да се посветиш на својата кариера, без разлика што значи тоа за тебе – напредување на моменталното работно место, барање работа, промена на работно место, започнување на нови деловни идеи, итн. Луѓето не се свесни за своите граници, додека не ги искусат.

4. Флерт

Уште една предност на сингл животот е секако и тоа што можеш да правиш што сакаш, кога сакаш и со кого сакаш. Не советуваме да си играш со нечии чувства, но не плаши се и да се забавуваш. Сето тоа е живот. Исто така, можеш да откриеш кои работи нема да ги толерираш кај следниот дечко, а што е она што ти се допаѓа.

5. Посвети се себеси

Кога си во врска, „јас“ станува „ние“ и сигурно дека сакаш да го задоволиш партнерот. Тоа не значи дека треба да се промениш, но работите кои тој ги сака, веројатно ќе ги правиш почесто, ако навистина ти е важен. Сега додека си соло, не мора да се грижиш за тоа што го прави него среќен, туку само за она што тебе те прави среќна. Можеш многу да научиш!