Истражување: Кучињата знаат кога ги лажете

Истражувачи од Универзитетот во Виена неодамна спроведоа студија со 260 кучиња и ја проучуваа нивната способност да препознаат дали луѓето им ја велат вистината или не.

Магазинот „Пипл“ пишува дека дошле до заклучок дека кучињата сфаќаат дека нивните сопственици често ги лажат. Една студија објавена во „Proceedings of the Royal Society B“ наведува дека кучињата се многу попаметни отколку што мислевме.

-Мислевме дека кучињата ќе се однесуваат како деца под петгодишна возраст, но сега сфативме дека можат да разберат кога некој ќе ги изневери. Можеби мислат: Оваа личност го има истото знаење како и јас, па ми дава погрешни упатства. Можно е тие да мислат дека намерно ги залажуваме, изјави за странските медиуми коавторот на студијата Лудвиг Хубер.

Во студијата, тие користеле храна и ги воделе кучињата до местата каде што била пронајдена храната. Прво, тие започнале со тоа што личноста што кучето ја познава му вели: „Види, ова е добро, ова е многу добро“. Кога кучињата ги следеле советите на луѓето и ќе стасале до садот каде што била храната, ќе биле наградени со колаче.

Потоа луѓе кои не им се познати на кучињата сугерирале каде е чинијата со колачињата, но намерно посочувале на погрешно место. Некои кучиња слишале и избрале чинија без колачиња, но многумина го игнорирале она што непознато лице им го кажува и избрале сад во кој самите се увериле дека „наградата“ е таму.

Истражувачите заклучуваат дека е интересно што на крајот имало две третини од кучињата што ги игнорирале луѓето кога покажувале на погрешен сад. Ова ги натерало да заклучат дека кучињата знаеле кога некој ги лаже.