Кардашијан имаат ново реално шоу: Познат датумот на првата епизода (Видео)
Стриминг сервисот „Hulu“ го објави датумот на премиерата на долгоочекуваната нова серија „The Kardashians“.
Hulu веќе го објави пролетниот датум на премиерата на новата серија и претстави тизер со Крис Џенер, Ким Кардашијан, Клои Кардашијан, Кортни Кардашијан, Кендал Џенер и Кајли Џенер во главните улоги.
Првата епизода ќе биде достапна на 14 април оваа година.
„Семејството што го познавате и го сакате е тука со сосема нова серија, која ви дава сосема нов пристап кон нивните животи. Крис, Кортни, Ким, Клои, Кендал и Кајли се вратија пред камерите за да ја откријат вистината зад насловот“, стои во синопсисот на серијата.
„Од интензивниот притисок на водење бизнис вреден милијарди долари до урнебесните радости на секојдневниот живот, оваа серија ќе ги одведе гледачите низ искрена приказна за љубовта и животот во центарот на вниманието“, објави стриминг гигантот.
Името на серијата е едноставно – „Кардашијанс“.
Поврзано:
