Кучињата разбираат над 200 човечки зборови и фрази
![](https://duma.mk/wp-content/uploads/2021/12/20201202131907.jpg)
Дали миленичињата не разбираат? Ова е прашање што возбудува многу сопственици на кучиња. И според една нова студија, кучињата можат да разберат повеќе отколку што многумина мислат.
Канадските научници кои проучувале 165 кучиња и нивните сопственици тврдат дека животните разбираат меѓу 15 и 215 човечки зборови и фрази.
Во просек, миленичињата во студијата можеле да препознаат 89 зборови – колку и 18-месечно бебе.
Според Кетрин Рив и Софи Жак од Катедрата за психологија и невронаука на Универзитетот Далхаузи, способноста на животните да учат се должи на нивните блиски односи со луѓето.
„Поради нивната еволутивна историја и блискиот однос со луѓето, домашните кучиња научија да реагираат на човечките вербални и невербални знаци на ниво неспоредливо со другите видови“, велат истражувачите, цитирани од Sky News.
Студијата заклучи дека кучињата одговараат најадекватно на командите, но од друга страна имаат помалку разбирање за зборовите поврзани со предмети.
Речиси сите кучиња одговараат на сопственото име и основните команди како „дојди“, „долу“, „остани“, „чекај“, „не“, „океј“ и „остави го ова“.
Повеќето од нив почнуваат да мавтаат со опашката кога ќе слушнат фрази за одобрување, по што обично добиваат „добра девојка“ или „добро момче“. Сепак, многу малку четириноги се способни да одговорат на поневообичаени команди како „гласно лај“.
Сепак, истражувачите велат дека кучињата може да реагираат на одредени фрази или зборови бидејќи ги поврзуваат со одредени последици, но не задолжително го разбираат нивното значење.
![](https://duma.mk/wp-content/uploads/2021/05/SEMM.jpg)