(видео) Мечка седи покрај патот и им мавта на минувачите
Во областа на јужниот дел на Карпатите во Романија, односно на патот наречен Трансфагарасан, била забележана необична глетка.
На снимката, која трае околу 30 секунди, може да се види мечка како го поминува патот и застанува на страната на патот. Додека поминувал автомобил покрај неа, мечката ја кренала шепата и почнала да мавта кон патниците. Ова изгледало како да ги поздравува луѓето.
„Кој би рекол дека мечките можат да бидат толку љубезни“, напишала личноста која го снимила видеото.
„Добро утро! Пријатен ден!“, е само еден од коментарите на социјалните медиуми, каде корисниците се воодишевени од симпатичната мечка.
Исто така, многумина искоментираа дека, очигледно, мечката се прилагодила на луѓето кои живеат во тој регион.
„Оваа мечка, дефинитивно, се навикнала на луѓето. Ова е трик кој го користат за да ги нахраните. Очекува награда за овој трик“, напишал некој корисник.
„Мечката само барала храна бидејќи луѓето премногу ја сечат шумата. Луѓето понекогаш им даваат храна баш на тој пат, а мечките тоа го памтат. Не е убаво, туку е тажно“, напиша друг корисник.
Инаку, овој планински пат стана познат преку британското шоу „Top Gear“, кога водителот Џереми Кларксон изјави дека овој пат е најдобар на светот. Патот се користи и за велосипедски натпревари, а на него често може да се забележат кафеави мечки кои често талкаат по оваа област во потрага по храна или вода.
Дума.мк
