НАСА со филмски трејлер го најавува слетувањето на нов ровер на Марс (ВИДЕО)

29.12.2020

Ровер „Perseverans“ ќе пристигне на површината на Марс за неколку месеци, а американската вселенска агенција НАСА одлучи да објави трејлер видео што ќе нè потсети на тоа.

Имено, НАСА објави едноминутен, малку драматичен трејлер за мисијата, кој изгледа како реклама за долгоочекуваниот научен подвиг, пишува mashable.com.

Малиот роботски ровер „Персеверанс“, доколку успешно слета на површината на Марс, односно во кратерот Езеро, ќе има задача да собере климатски и геолошки податоци, примероци од карпи и почва и да истражи постоење на микроорганизми на Црвената планета.

Роверот беше лансиран во јули, а се очекува да слета на Марс на 18 февруари 2021 година. НАСА ќе овозможи директен пренос на слетувањето за целиот свет да може да го следи овој настан.

Мите Јаначков