Посен петок: Празна пита која мора да ја пробате

Постот полека завршува, а домаќинките имаат се помалку идеи за посни јадења. Затоа за вас подготвивме рецепт за посна пита која со задоволство ќе ја подготвите и откако ќе поминат деновите на постот.

Крцкава и вкусна, празната пита ќе ве освои уште на првиот залак.

Состојки:

500 грама кори за пита

2 шола пченично брашно

2 мали лажички сол

1 пециво

2 дл зејтин

4 дл минерална вода

Подготовка:

Прво измешајте ги сите суви состојки во сад. Потоа додадете масло и минералната вода и сè убаво измешајте. Смесата треба да биде густа како палачинки.

Одделете три кори, па секоја кора премачкајте ја со лажица од смесата и завиткајте ги во ролати. Повторете ја постапката додека не го потрошите целиот материјал.

Ролатите наредете ги во намрсен плех и посипете ги со кисела вода. Питата се пече во загреана рерна на 200 степени додека не порумени.

Пријатно!

Дума.мк