Последно збогум: 3G мрежата заминува во историјата

Дваесет години откако првпат беше претставена во САД, 3G мрежата официјално се гаси.

3G беше лансирана во 2002 година и стана движечка сила зад раниот бум на интернетот на почетокот на минатата деценија. Компаниите подоцна се префрлија на 4G, а сега е во тек транзицијата кон 5G мрежата. 5G е, меѓу другото, една од причините поради кои компаниите одлучија да ја затворат старата мрежа од третата генерација.

Од 2007 до 2009 година започна златната ера на 3G мобилните уреди. Мрежата реши многу фрустрации на корисниците на мобилни телефони во тој период. Ова вклучува подобрен квалитет на повици и поврзување.

AT&T е првиот оператор во САД кој постепено ја укинува 3G мрежата, а другите оператори ќе го сторат истото во втората половина на оваа година.

„Речиси две години проактивно комуницираме со нашите корисници кои сè уште ја користат 3G мрежата. „Нашата цел е да им помогнеме да се префрлат на мрежата од следната генерација откако 3G услугите ќе престанат“, изјави AT&T за CNN.

T-mobile во Америка најави дека ќе го исклучи 3G во третиот квартал од оваа година, а Verizon даде малку пофлексибилен рок до крајот на годината.

Секако, само мал број корисници сè уште користат 3G и сигурно нема да го пропуштат. Verizon на својот блог објави дека 99 отсто од нивните корисници користат 4G или 5G, додека AT&T наведува дека помалку од 1% од корисниците се всушност на 3G мрежата.

Овој тренд најверојатно ќе следи и во други земји како што напредува проширувањето на новата 5G мрежа.