ВРЕМЕНСКА ПРОГНОЗА: Претпладне облачно, попладне локални врнежи од дожд

Во Македонија претпладне ќе преовладува променливо облачно време со сончеви периоди и со утринска магла по одделни котлини. Попладне и во текот на ноќта ќе има локални врнежи од дожд. Ќе дува умерен, наместа во западните делови повремено засилен ветер од западен, а попладне долж Повардарието од северозападен правец.

Минималната температура ќе биде во интерал од 0 до 16 степени, а максималната ќе достигне 20.

Во Скопје, променливо облачно, претпладне со слаба магла. Попладне и во вечерните часови ќе има повремен дожд, а ќе дува умерен до засилен северен ветер.

Во петок ќе дува засилен јужен ветер, а попладне под влијание на нов влажен бран ќе има врнежи од дожд, пообилни во ноќните часови. Во сабота врнежите ќе бидат локални, а на планините ќе преминуваат во снег. Ќе дува засилен северен ветер кој ќе предизвика значително опаѓање на температурата.

Дума.мк