(Видео и фото) Ветераните на ЗГ „Велешки акцијаши“ со битолските и скопските расчистија и бетонираа нова површина од дворното место на црква „Света Петка“
Го исчистија од коров, шут и смет просторот а потоа се фатија за копачите и лопатите за се да соберат и утоварат во тракторска приколка. Тракторот возеше и го изнесуваше непотребниот материјал. Акцијашите ветерани го израмнија теренот, ја истрасираа парцелата и со две машини за бетон почнаа да го подготвуваат бетонот. Во исто време траеше и бетонирањето на парцелата во дворно место на „Светка Петка“, на јужниот излез на Велес.
Др Никола Нацев е трасер на денешната еднодневна доброволна работна акција. Тој објасни што се се работеше од рано утринава, од 6:15 часот.
Сашо Јовановски беше учесник на еднодневната доброволна работна акција од ЗГ„Акцијаши“ од Скопје.
Киро Димовски беше еден од четворицата акцијаши ветерани на ЗГ „Ветерани“ од Битола кои дојдоа во Велес за да учествуваат на акцијата.
-Секогаш сме подготвени за помош. Возвраќаме на нашите колеги акцијаши ветерани од ЗГ„Велешки акцијаши“. Рано утрово во 6:15 часот стигнавме од Битола. Кога заеднички се работи има поголем успех. А ние волонтерски работиме за подобрување на условите и потребите на граѓаните и секако во овој случај за потребите од поголем простор на свештениците на МПЦ-ОА поточно на Епархија Повардарска за одржување на верски обреди, рече Димовски.
Веќе од утрешниот ден граѓаните ќе имаат можност да ја користат оваа парцела со која зголемена е површината под бетон во дворот на црква „Света Петка“ во Велес.
Убавка Јаневска