Тешко повредена жена во сообраќајка кај село Бусилци, во општина Чашка

Патничо возило марка ,,фиат браво” со велешки регистарски ознаки, управувано од А.К.(75) од Велес, излетало надвор од коловозот на регионалниот пат Велес-село Извор, во близина на село Бусилци, во општина Чашка, утрово, околу 08:10 часот.

Во незгодата со тешки телесни повреди се здобила сопатничката К.К.(70) од Велес , а со телесни повреди се здобил возачот, констатирани во болницата во Велес.

-Пациентката беше донесена во Општа болница Велес, каде веднаш по укажаната помош од лекар специјалист по хирушки болести беа направени снимања на нејзината глава на Компјутерски томограф. Резултатите покажаа дека пациентката има тешки телесни повреди на коските на главата во пределот на лицето. Поради сериозноста на повредите веднаш беше транспортирана на Клиника за Максилофасцијална хирургија во Скопје, рече портпаролката Марина Андова на Општа болница Велес.

Од Сектор за внатрешни работи Велес соопштија дека по овластување на Јавен обвинител на местото на сообраќајката увид извршила увидна екипа на Полициска станица Велес.

Убавка Јаневска