Познати се смените на велешките училишта за првиот училиштен ден, еве како се распоредени учениците

Во понеделник, на 2 септември, започнува новата учебна 2024/2025 година за сите учениците. Четирите основни и средни училишта во Велес се подготвени да ги примат своите ученици назад во училишните клупи но и со топло добредојде да ги примат оние коишто за прв пат го започнуваат своето основно образование и учениците коишто го продолжуваат своето образование во средните училишта. Во сите велешки училишта веќе е познат распоредот на смени, еве како ќе учат учениците:

Во ООУ „Васил Главинов“ учениците од парна смента поточно од IV, VI и VIII одделение започнуваат со прва смена од 07:30 часот, додека од непарна смена III, V, VII и IX одделение започнуваат со втора смена во 13:00 часот. Училиштето има посебна покана за учениците од прво и второ одделение кои во 09:00 часот назад во училиштниот двор во поливалентниот простор ќе бидат пречекани од нивните учителки.

Учебната 2024/2025 година во ООУ „Блаже Конески“ започнува по следниот распоред. За учениците од II до IV одделение наставата започнува во 07:30 часот, учениците од второ одделение ќе бидат пречекани од нивните наставници кај влезот на првоодделените и потоа ќе бидат однесени во нивните училници. Учениците од VI одделение од нивните класни раководители ќе бидат пречекани во 07:15 часот во поливалентниот простор на училиштето и заедно со нив ќе заминат во нивните матични училници. За учениците од V до IX одделение наставата во смени ќе започне по следниот распоред: со прва смена во 07:30 ќе започнат учениците од V1, V2, VI, VIII одделение, додека со втора смена во 13:00 часот учениците од V3, V4, VII и IX одделение. За првачињата училиштето подготви и кратка забавна програма за добредојде насловена „Првачиња колачиња добредојдовте“ која ќе се одржи во поливалентниот простор со почеток во 09:30 часот, затоа од училиштето советуваат првоодделенците заедно со своите родители во период од 09:15 до 09:30 да бидат пристигнати на училиште.

Во ООУ „Св. Кирил и Методиј“ овој понеделник наставата за учениците од II, III, IV, V, VI, VII, VIII и IX одделение ќе започне во 07:30 часот, додека свечениот прием на првачињата ќе започне во 09:00 часот.

Во основното училиште „Панко Брашнаров“ учебната година за учениците од прво и второ одделение ќе започне во 09:00 часот, додека учениците од одделенска настава започнуваат со прва смена а учениците од предметна настава започнуваат со втора смена.

Новата учебна година овој понеделник започнува и за учениците од средните училишта.

Во ОСУ „Јовче Тесличков“ учебната година за сите средношколци започнува во 07:15 часот.

Во ДСУ РЦСОО „Коле Неделковски“ наставата за учениците од прва и трета година започнуваат со прва смена во 07:30 часот додека учениците од втора и четврта година со втора смена во 13:30 часот.

Со прва смена, во 07:15 часот ќе започнат и средношколците во СОУ Гимназија „Кочо Рацин“ каде приемот на учениците од прва година од страна на класните раководители ќе биде во училиштниот двор.

Средношколците во хемиското училиште „Димитрија Чуповски“ започнуваат со втора смена во 13:30 часот.

Стефани Манева