Општина Велес ги објави годинешните добитници на највисоките општински, деветоноемвриски награди и признанија

Проф. д-р Јордан Нојков е добитник на престижната награда за животно дело „Гемиџии“ за 2024 година. Тој е познат специјалист анестизиолог со долгогодишен работен стаж во Општа болница Велес додека годинешна добитничка на наградата за најстудент „Професор д-р Ѓорѓи Шоптрајанов“ е студентката Тамара Коцевска.

На Свечената академија на Општина Велес, во сабота на 9 Ноември, по повод денот на ослободувањето на Велес исто така ќе бидат доделени и останатите награди коишто градот ги доделува за посебен придонес и постигнати резултати на граѓани, во разни области на секојдневниот живот. Годинава добитници на Спомен плакета на Општина Велес се директорот на Државен завод за ревизија – Максим Ацевски и граѓанската организација ИО „Димитар Влахов“- Велес.

Деветоноемвриска благодарница ќе им биде доделена на учесниците на XXIV „Вардарска регата Гемиџии 2024“ поточно на Ангелче Гушев, Владимир Ивановски, Трајче Перков, Теодор Ѓоргиев, Владимир Стојановски, Иван Гушев, Зоран Кимов, Александар Алексов, Александар Вренцовски, Горан Богоевски, Горан Здравковски, Даниел Јаневски, Миланчо Митревски, Стивен Бошевски, Александар Златаров, Виктор Миланов, Сашо Темелковски, Томе Шескокалов, Никола Аксентијев, Зоран Пановски, Предраг Игевски и Тони Јошевски. Потоа на м-р Десанка Николова,  Д-р Теодора Тодорова, четиричлена планинарска експедиција  во состав Зоран Јаневски, Никола Ангелов, Марјан Малинов и Николче Василев, на организаторите на ултрамаратон „Велес- Лопушник“ поточно на Верољуб Додевски, Зоран Димов, Трајче Михов, Томислав Спасевски, и Љубиша Андриевиќ, на Здружение на граѓани за доброволна работа „Велешки акцијаши“ Велес и на Здружение на граѓани ,,ОК Борец ветерани” Велес.

Добитници на Деветоноевриски пофалници се Јадранка Мајсторова, Елица Николова, Горан Алексов, Неформална група „Клисура Пешти“ во состав Слободан Ѓорѓиев, Борче Јовчевски и Сашко Ѓорѓиев како и Здружение за безбедност на вода и планина „Македонски спасител“ Велес.

Свечената академија по повод денот на општината ќе се одржи во сабота вечер со почеток во 19:00 часот во велешки Театар „Јордан Хаџи Константинов Џинот“.  

Убавка Јаневска