Велешки Црвен крст со едукативна работилница за зависности за учениците од „Блаже Конески“

Учениците од деветто одделение од основното училиште „Блаже Конески“ од Велес, денеска, беа дел од едукација посветена на превенцијата и борбата против болестите на зависност. Настанот имаше за цел да ги запознае младите со последиците и штетните влијанија од употребата на цигари, алкохол и дрога, како и да ги поттикне кон донесување здрави и безбедни животни одлуки.

-Учениците покажаа голем интерес, поставуваа прашања и учествуваа во интерактивни активности преку кои добија корисни совети, информации и насоки за справување со ризични ситуации, изјавија од велешки Црвен крст.

Едукацијата беше реализирана од сертифицираната врсничка едукаторка Сара Јовчевска од Црвениот крст на РСМ – Општинска организација Велес, која на разбирлив и близок начин им го пренесе своето знаење и искуство на учениците.

Стефани Манева