Издумани Крлевизми: „За многу работи, стапот е лек – на него никој не стекнал имунитет“
Објавено: 26 јуни, 2026, во 11:34 часот
Петочен термин за читателската заедница на Дума.мк која е љубител на афоризмите на Атанас Крлевски. И овој пат, наостреното афористичко перо, инспирирано од секојдневните случувања во изминатата недела создаде 10 нови афоризми. Прочитајте ги:
„Ми го мисли лошото. Значи не мисли“
„Погледот е убиец за кој нема закон“
„Во тоа што не го гледам, верувам само кога сум заљубен“
„Многу умни луѓе парите ги трошат на глупости“
„Кај мене лутината е гостинка, а за таква гостинка пет минути се доста“
„ВИ ми призна: „Во твое присуство сум инфериорна“
„Започнав со цвет, продолжив со букет и… стигнав до нејзин градинар“
„За многу работи, стапот е лек. На него никој не стекнал имунитет“
„ВИ е сѐ во едно!“
„Воопшто не сум себичен… кон себе!“
Вашиот,
Атанас Крлевски
