Пожар избил во кујна на кафеана, велешките пожарникари го изгаснале и не дозволиле да се прошири
Објавено: 29 јуни, 2026, во 10:29 часот
Пожарот во кафеаната „Шкорпион“ на ул: „Никола Карев“ бр.33 избил вчера вечер, околу 22:00 часот и веднаш бил пријавен во Територијалната против пожарна единица (ТППЕ) Велес. По примената дојава пожарникарите спасители веднаш излегле на терен.
„Територијална против пожарна единица Велес излезе на лице место со 2 против пожарни возила и 6 пожарникари спасители. По пристигнување на лице место констатирано беше дека гори делот од кујната. Благодарение на брзата интервенција и пожртвуваноста на нашите колеги не е дозволено експлозија на плински боци кои се наоѓале во кујната. За брзо време пожарот е ставен под контрола и целосно изгаснат. Во акцијата нема повредени, соопштија од велешката ТППЕ.
Пожарникарите спасители апелираат до граѓаните доколку забележат пожар веднаш да пријават на бесплатниот телефонски број 112 или 193.
Убавка Јаневска
