Во Вардарски регион во вчерашниот ден избувнаа три пожари – вчера вечер гореше кавадаречката депонија (видео и фото)
Објавено: 26 август, 2026, во 07:36 часот
Според последниот извештај на Центар за управување со кризи во текот на вчерашниот ден, 25 август, до 18:00 часот, на територијата на Македонија, регистрирани беа вкупно 23 пожари на отворен простор, од кои 8 беа активни, 1 ставен под контрола, а 14 беа изгаснати.
Во активните пожари беше евидентиран еден во Општина Чашка над село Нежилово каде гореа дрвја од видот смреки, во Општина Градско гора стрништа и ниска вегетација помеѓу селата Долно Чичево и Подлес и во Општина Кавадарци каде гореше градската депонија „Мелци“.
Според Дирекција за заштита и спасување (ДЗС) доцна вчера вечер беше ставен под контрола и изгаснат пожарот на Клепа, помеѓу селата Долно Чичево и Подлес, додека според последните информации пред полноќ сеуште се гаснеше пожарот на кавадаречката депонија.
Од ДЗС не соопштија информации единствено за пожарот во Општина Чашка, кај село Нежилово.
Убавка Јаневска
