Десет фирми во моментов бараат работници во Велес, им нудат минимална плата
Објавено: 31 август, 2026, во 12:32 часот
Десет активни огласи за вработување во моментов има во Велес. Невработените, нив можат да ги видат на огласната табла во Агенцијата за вработување – подрачна единица Велес. Исто така огласите се објавени во електронска форма и на веб страницата на оваа институција.
Фирми бараат работници со квалификации како што се возачи, автомеханичар, финансиски советник или продавач.
Најмногу огласи и слободни работни места има во компании кои се занимаваат со конфекциско производство.
Тоа што е идентично за скоро сите е висината на платата. Работодавачи за 40 часа неделна работа ја нудат минимална гарантирана плата во државата.
Убавка Јаневска
