Фудбалски натпревар во Раштани, велешко, завршил со физички напад
Објавено: 2 ноември, 2026, во 11:20 часот
Во велешкото село Раштани, вчера, фудбалскиот натпревар помеѓу ФК „Бузалково“ од Бузалково и ФК „Тополка“ од Превалец завршил со физички напад. Инцидентот се случил околу 15 часот, на крајот на натпреварот, откако двајца навивачи влегле на теренот и натепале тројца фудбалери од гостинската екипа, соопшти Сектор за внатрешни работи (СВР) Велес.
„На 01.11.2026 во 15:00 часот во СВР Велес е пријавено дека на фудбалско игралиште во село Раштани, велешко, на крајот од фудбалскиот натпревар помеѓу екипите на ФК „Бузалковo“ од Бузалково и ФК „Тополка“ – Превалец, двајца навивачи на екипата на ФК „Бузалковo“ влегле на теренот и физички нападнале тројца играчи на ФК „Тополка“. Се преземаат мерки за расчистување на настанот,“ соопштија од СВР Велес.
Засега нема информации дали тепаните фудбалери се здобиле со повреди.
Убавка Јаневска