Алармантни бројки: 4 лица починаа, рекордни 102 новозаразени во Тиквешијата !
05.03.2021
Две лица на возраст од 63 и 77 од Неготино и две лица на возраст од 71 и 77 години од Кавадарци, ја изгубија битката со коронавирусот во изминатите 24 часа.
Рекорден број на новозаразени со Ковид-19 во тиквешкиот регион, односно 102 лица регистрира денес Институтот за јавно здравје. Имено, позитивни на вирусот се 54 лица од Неготино, 44 во Кавадарци и 4 во Демир Капија.
Како активни случаи во моментов се водат 539 лица од Кавадарци, 305 лица од Неготино и 30 од Демир Капија, согласно податоците добиени од извештајот на Институтот за јавно здравје.
За потсетување, заради постојаниот тренд на раст на лица инфицирани со коронавирусот, локалната самоуправа на Општина Неготино и општинскиот Кризен штаб, вчера до Комисијата за заштита од заразни болести и Главниот кризен штаб, доставија барање за итно прогласување на полициски час на неопределено време кој ќе важи за целата територија на Општина Неготино. Но, досега одговор на ова барање нема.
Покрај ова барање, на вчерашниот состанок на Кризниот штаб на Општина Неготино беа донесени и повеќе заклучоци, со цел сузбивање на пандемијата.
Мите Јаначков
