Со што да плаќате, со кеш или со картичка, во Грција?

Граѓаните кои ова лето одат на море во Грција, би трабела во оваа земја да имаат во паричникот доволно готовина во евра за целиот период на летување. Доколку имате среќа банкоматот да не е празен и да можете да подигнете пари, ќе платите многу поголема провизија на таа услуга. Од друга страна пак, плаќање на производите и услугите со картички може да им ја подигне цената и да го зголеми трошокот. Секако, треба да се пресмета и неповолниот курс.

Грците знаат да „ве казнат“ за плаќање со картичка, бидејќи така ги терате да платат данок. Поради страв од можен банкрот на државата, грчките штедачи за само два дена повлекоа две милијарди долари од локалните банки, поради што на туристите може да им се случи да останат со празни раце при обидот да подигнат пари од банкоматите.

Ако сепак се одлучите да се потпрете на картичките, ве чека голема провизија.

„При подигнување на пари од банкомат во странство обично се плаќа околу две до три евра минимално, или три отсто провизија на подигнатата сума максимално, па затоа е подобро да се подигне поголема сума одеднаш, отколку повеќепати помала сума. Иако плаќањето со картичка во продавниците во странство е скапо, бидејќи се пресметува горниот курс на еврото, сепак е поевтино отколку подигнување пари од банкомат“, пренесува порталот Блиц.

Затоа најдобро е туристите да проценат колку пари би им биле потребни за периодот на летувањето, за да понесат доволно евра, имајќи во предвид дека и менувачниците во странство нудат неповолен курс.