Пожар на плац за старо железо
Објавено на 29 мај, 2013 во 09:20
Депониски отпад собиран од стари автомобили изгоре утринава во пожар кој избувна во складиште за отпад во Кавадарци на улицата „Западен булевар“.
Територијалната противпожарна единица од Кавадарци интервенираше со две возила и петмина пожарникари. За кратко време пожарот е ставен под контрола и е запрено неговото ширење.
“Интервениравме со две возила кои повеќе пати мораа да полнат вода за целосно да ги изгасиме пламените јазици“ рече командирот на противпожарната единица Илчо Богевски.
Причините за пожарот се непознати./ А.Д
