Најубавите розови цветни теписи во Јапонија!
Цвеќето со име шибаѕакура или со друго име наречено розов мов, расте во голема близина до земја со единствени нијанси на розова и бела боја. Од крајот на месец април почнува сезоната на ова прекрасно цвеќе и трае до крајот на мај или веднаш по позното цветање на црешите и праските во Јапонија.
За да се ужива во оваа несекојдневна природна убавина од цвеќе , потребно е да се посетуваат бројните фестивали на шибаѕакурата или пак дизајнирани паркови, во кои има богатството од шари инспирирани со редење на цвеќињата според бојата.
Паркот Хицуџијама кој се наоѓа блиску до Чичибу во префектурата Сајтама е едно од најубавите места со ова цвеќе.
Во периодот од април до мај цветаат над 400.000 растенија шибаѕакура на ридот Хицуџијама кои на посетителите им овозможуваат да видат несекојдневен тепих од розова, виолетова и бела боја.