Дубаи над облаците
Објавено: 25 март, 2013, во 13:01 часот
Германскиот фотограф Себастијан Опитц, кој живее и работи во Дубаи, направил фантастични фотографии од градот, во состојба на густа магла при изгрејсонце. Тој го нарекол овој прекрасен пејзаж „Градот над облаците“, бидејќи густата магла го обзема градот и го пополнува празниот простор помеѓу зградите.
„Живеам во Дубаи повеќе од 4 години и секогаш сум сонувал да направам слики над густата магла. Ова се случува 4-6 дена во годината, а кога се случува трае до 9 часот наутро. Затоа мора да бидете на кровот пред изгрејсонце и да се надевате дека сè ќе помине во најдобар ред.“
За среќа, Опитц успеал да го овековечи овој магичен момент од 85-иот кат на кулата „Princess“.
