(Обновено) Тешка сообраќајка кај Фариш, со еден загинат!
Објавено: 13 февруари, 2013, во 09:04 часот
На патот Градско Прилеп, кај месноста викана Фариш утрово се случи тешка сообраќајна несреќа во која загина педесет и шест годишниот Т.К од Штип, а со тешки повреди се здоби исто така штипјанецот М.Т кој е пренесен во Ургентниот центар во Скопје.
Несреќата се случила пред тунелот на патот од прилепска страна. Дошло до директен судир на камион со приколка управуван од турски државјанин М.К (25) и автомобил марка Тико управувано од Т.К. Возачот на камионот е задржан во Македонија и му е одземен пасошот.
Увид на местото на несреќата извршија јавен обвинител, истражен судија и полиција. Дејствуваше и територијалната противпожарна станица Кавадарци во извлекување на телото на загинатиот штипјанец./ А.Д