Погледнете што се прави грозјето на вашиот организам
![](https://duma.mk/wp-content/uploads/2022/08/koi-se-zdravstvenite-pridobivki-od-grozjeto-kafepauza.mk_-1024x683-1.jpg)
Јадењето грозје може да го подобри здравјето бидејќи содржи голема количина на различни хранливи материи. Сепак, умереното консумирање е важно поради високата содржина на шеќер.
Ја подобрува меморијата
Антиоксидансите во грозјето помагаат да се намали оксидативниот стрес во мозокот. Ги подобруваат когнитивните функции и штитат од губење на меморијата за време на стареењето. Грозјето го подобрува и протокот на крв во мозокот, што ја подобрува концентрацијата, пишува Eatthis.com.
Спречува воспаление
Хроничното воспаление е поврзано со рак, срцеви заболувања, астма, дијабетес и артритис, меѓу другото. Антиоксидансите како што се витамините Ц и К, полифенолите, катехините и антоцијаните го намалуваат воспалението, тврдат експертите. Црвеното грозје е богато со ресвератрол, кој ги штити крвните садови и штити од оксидативен стрес и воспаление.
Го подобрува крвниот притисок
Јадењето грозје може да помогне во одржување на нормално ниво на крвен притисок бидејќи ова овошје има висок процент на калиум кој помага во намалување на крвниот притисок.
Подобро спиење
Грозјето содржи мала количина на мелатонин, хормон кој го регулира сонот, па може да го подобри квалитетот на сонот. Јадете малку грозје еден или два часа пред спиење.
Посилен имунитет
Витаминот Ц, бета каротенот и кверцетинот го прават грозјето одлично овошје за зајакнување на имунитетот. Како што нагласуваат експертите, колку е посилен имунитетот, толку телото е поподготвено да се бори против болестите.
![](https://duma.mk/wp-content/uploads/2021/05/SEMM.jpg)