Русите увезуваат најголем дел од своите автомобили од две азиски земји

По драстичниот пад на домашното производство како резултат на воведувањето санкции во Русија, тие се свртеа кон една азиска земја.

Руската автомобилска индустрија дефинитивно трпи големи загуби под санкциите. Покрај тоа што речиси сите големи производители се повлекоа од рускиот пазар, воведените санкции го оневозможија увозот и на автомобили и на деловите потребни за нивно производство.

Во такви околности, Русите се повеќе се свртуваат кон индивидуален увоз. Така, во февруари учеството на индивидуалниот увоз изнесуваше 2 отсто, а во август скокна на 23 отсто. Според последните информации, побарувачката за половни автомобили пораснала толку многу што просечната цена на еден автомобил на пазарот годинава скокнала за десет отсто.

Според податоците на Аутостат, увозот на нови автомобили се уште е на ниско ниво, додека увозот на половни возила е двојно зголемен. Русите во февруари увезле 11.055 користени автомобили, а тој број во август скокнал на 23.117. А од таа сума, дури 76 отсто од автомобилите доаѓаат од Јапонија.

Кога станува збор за нови автомобили, Русите во август годинава увезле 10.257 нови автомобили, а 70 отсто од нив дошле од Кина.

Драстичен раст се бележи токму кај индивидуалниот увоз. На пример, пристаништето Владивосток годинава забележа пораст на увозот на автомобили за речиси 50 проценти.

Според анализата на АЕБ (Асоцијација на европски бизниси), продажбата на нови автомобили годинава, наместо зголемување од 3,3 отсто, ќе забележи пад од околу 50 отсто.