Временска прогноза: Сончево и многу топло, попладне наместа невреме со пороен дожд и грмежи
Во Македонија времето денеска ќе биде сончево и многу топло со мала до умерена облачност. Попладне наместа ќе биде нестабилно со пороен дожд и грмежи, локално процесите ќе бидат во форма на невреме. Ќе дува слаб до умерен ветер од северен правец.
Минималната температура ќе се движи од 13 до 22 степени, а максималната ќе достигне до 38 степени.
Во Скопје времето ќе биде сончево и многу топло со мала до умерена облачност, попладне во делови од котлината ќе има услови за појава на пороен дожд со грмежи и засилен ветер. Ќе дува слаб до умерен ветер од северен правец.
УХМР најавува продолжување на периодот на многу топло време, активно жолто ниво на опасност од висока температура и во попладневните часови наместа појава на нестабилна облачност со пороен дожд, грмежи и засилен ветер. Локално процесите ќе имаат форма на невреме, особено денес и во сабота.
Дума.мк