Постара фотографија од верски обред на отворено во Украина се споделува сред руската инвазија

Фотографијата објавена во овој напис што се споделува на Фејсбук, а на која украински христијани се молат на отворено, на снег, за својата земја, е стара речиси три години и датира од 2019, а не од 22 февруари 2022 година, како што се тврди во постот

Во медиумски напис со наслов: „Украинските христијани се молат на отворено, на снег, за својата земја“, објавен на 22 февруари 2022 година, се споделува фотографија за која тврди дека прикажува украински христијани кои се молат на отворено, на снег, за својата земја, два дена пред нападот на Русија врз Украина. Истата фотографија е споделена и на пост на Фејсбук. .

Нашата проверка покажа дека фотографијата не е направена два дена пред нападот на Русија на Украина, туку е стара и датира од 2019 година.

Украинските христијани се молат на отворено, на снег, за својата земја во оваа фаза кога сите жители се во опасност од војна. Оваа фотографија од христијаните кои се молат деновиве се појави на социјалните мрежи, а многу христијански цркви ги повикаа верниците да постат и да се молат за да се смири ситуацијата што ескалира на границата со Русија, се вели во написот.

Но, тоа не е точно. Фотографијата е стара речиси три години и истата може да се најде на Интернет од 2019 година. На 9 октомври 2019 година, христијанскиот блог God Reports ја објавил фотографијата во напис со наслов „зошто овие Украинци се молат секој ден на колена веќе пет години?“ Word&Way ги реобјави статијата и фотографијата пет дена подоцна.

Според извештаите, луѓето на фотографијата се молеле на градскиот плоштад во Харков, град во источна Украина, за мир и за верска слобода.

Точно е дека фотографијата е направена во Украина и прикажува Украинци како се молат, но таа е направена пред речиси три години и нема поврзаност со актуелните настани и тензии во однос на нападот на Русија врз Украина.

Според тоа, можеме да кажеме дека рецензираната содржина содржи делумна дезинформација – точно е дека фотографијата е снимена во Украина и дека станува збор за опишаниот верски обред, но таа не е постара и не се однесува директно на актуелните настани во земјата.

Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар