Издумани Крлевизми за животните: „На коњ сум! Си купив магаре“

Објавено: 15 март, 2024, во 10:24 часот

Велешкиот афористичар Атанас Крлевски овој петок со нови афоризми на тема за животните (коњот и магарето). Како што појаснува тој и од животните имало многу да се научи и додава „Јас сум учел од нив, а учете и вие – што треба и што не треба да правиме“.

-На коњ сум! Си купив магаре.

-И магарето го става коњот во втор план. Кога рика!

-Каде нема добри коњи, прашина се крева оти се лоши патиштата.

-Освен зад добрите коњи, прашина се крева и зад инаетливите магариња.

-Магарето го повикаа во кавалеријата. Носеше вода, а мислеше дека е коњ.

-Во бајките има и принцови и бели коњи. Во животот, принцот и коњот се едно исто.

-Во занес од убавината на коњот, не забележа дека раката и ја побара коњушарот на принцот.

-Тројанскиот коњ излезе магаре. Внатре немаше никој.

-Сине татин, пастуве мој! Ќерко мајкина, чувај се од пастуви!

-Некои жени се неосвоиви тврдини, се додека некои мажи не станат Тројански коњи.

-Пред да се оженам бев крал, но и во бракот останав значајна фигура – коњ!

-И магарињата имаат свој бренд – магарешкиот трн!

-Самарите ги искршивме и конечно на ред се… магарињата.

-Со златни самари многумина би се нафатиле да бидат магариња.

-Срамота е за магарето да се истрчува пред прлето.

-И ние имаме коњ за трка, ама секогаш доцни на стартот.

Афористичар

Атанас Крлевски

Дума.мк

Сподели:

Напиши коментар

Станете член на ДУМА.мк и споделете го вашето мислење преку коментар. Кликнете тука за да се најавите.