Два културни настани во Кавадарци
Со два културни настани успешно ќе биде завршена 2021 година во Дом на култура „Иван Мазов – Климе“ во Кавадарци. Годишна изложба на Друштво на ликовни уметници Кавадарци ќе биде отворена утревечер, 28 декември, во 19:00 часот. Отворањето на изложбата ќе се одвива според предвидени протоколи за Ковид- 19. Задолжително е да биде прикажан Сертификат за примени две дози на вакцина и бројот на присутна публика е 50 % од предвидениот простор.
Исто така, театарот при Дом на култура репризно ќе ја изведе театарската претстава „Не сега драга“ според текст на Реј Куни, а во режија на Диме Боцев. Во претставата играат Диме Коцевски, Магдалена Атанасова, Видан Станоев, Надица Анѓелкова, Александар Малинков, Александар Видиков, Сијче Трајкова, Диме Боцев и Сашко Орешков. Музика и светло – Пепи Ангелов, костимограф – Сара Милевска, суфлери – Благица Илиева и Кристина Јованова, сценска поддршка Диме Темков и тим на Дом на култура Кавадарци. Претставата е комедија на забуни, ситуации и интересни ликови и е за публика над 16 години.
Претставата ќе се одвива според сите предвидени протоколи за Ковид-19, поради ограничен број на седишта билетите може да се резервираат на тел.број 075-347-370 исклучиво со СМС порака секој работен ден од 9 до 14 часот, доколку ви е прифатена резервацијата добивата СМС порака. Влезниците се подигнуваат на билетарница пред почетокот на претставата, поточно од 18:00 до 19:30 часот. Остатокот од билетите ќе бидат во продажба по цена од 100 денари. „Не сега драга“ ќе биде одиграна во вторник, со почеток во 20:00 часот.
Дом на култура „Иван Мазов – Климе“ од Кавадарци Ви посакува радосни и весели Новогодишни и Божиќни празници со добро здравје и среќа во вашите семејства.
