На “Кавадаречко културно лето 2023“ театарска претстава за деца „Во домот на Волшебникот“

Театарска претстава за деца „Во домот на Волшебникот“ ќе се одигра на плоштад во Кавадарци, утре, сабота,15 јули. Улогата на Волшебникот ја игра актерот Сашо Ристовски, а улогата на помошничката ја игра актерката Магдалена Ризова-Черних. Автор и режисер на претставата, во продукција на приватниот „Театар Хит“ од Скопје, е Сашо Ристовски.

Театарската претстава за деца ,,Во домот на Волшебникот” е работена наменски и е посветена на децата. Токму овој период кога во регионоти во државата сериозно е видливо насилството помеѓу децата нужна е потребата преку театар да се прикаже дека за секој проблем и недоразбирање не е решение насилство, туку разговор, меѓусебното подавање на рака и искреното пријателство. Низ низа драмски ситуации во кои главната нитка е мудроста на волшебникот, наспроти денешното однесување на децата, се упатува пораката: „Со насилство НЕ, со дружба може СЕ!“

Почетокот на театарската претстава,која се прикажува во рамки на “Кавадаречко културно лето 2023“ закажан е за во 20:00 часот. „Театар Хит“ доаѓа во Кавадарци на покана на кавадаречкиот Дом на култура.

Убавка Јаневска