Народно позориште Ниш вечерва на велешката сцена со претставата „Кој се плаши од Вирџинија Вулф“

На сцената на театарскиот фестивал „5РЕ“, вечерва за прв пат од Ниш присгитнува една од најмоќните и најинтензивни драми „Кој се плаши од Вирџинија Вулф“.

Театарската претстава којашто ја има поставено Народното позориште во Ниш во 2024 година е во режија на Игор Павловиќ кој ја има изработено и сценографијата. Во неа играат Урош Милојевиќ кој го толкува ликот Ник, Снежана Петровиќ која ја игра Марта, потоа Александар Крстич како Џорџ и Наталија Јовиќ како Хани.

Драматург на претставата е Димитрије Петровиќ додека за музиката е задолжен Никола Драговиќ и за костимите Катарина Павловиќ.

Како што соопштуваат организаторите на фестивалот „5РЕ“, оваа претстава е експлозивна комбинација на длабоки емоции, сурови вистини и брилијантни актерски изведби и претставува вистинско театарско ремек – дело коешто ве вовлекува во лавиринтот на човечките односи и психолошки игри.

Театарската претстава ќе биде одиграна вечерва, со почеток во 20:00 часот на големата сцена на велешкиот театар.

Стефани Манева