По трет пат Фестивал на „Џез, World и Современа музика” во Велес (видео)

Со програмата којашто е распоредена во седум фестивалски денови, поточно од 29 септември до 27 октомври, годинава, здружението на граѓани „Арт Генератор“ го организира фестивалот на џез, светска и современа музика. Фестивалот е основан и финансиран од Општина Велес, годинава со 500.000 денари. Општината се стреми кон  поддршка на културни иницијативи на граѓаните со континуирано зголемување на финансиските средства за потребите од културни настани, потенцираше на денешната прес конференција Градоначалникот Марко Колев. Тој ги покани велешани да бидат публика на фестивалот.

Од граѓанското здружение „Арт Генератор“ особено се задоволни што и третото фестивалско издание е интернационално. Годинава посетителите на фестивалот ќе имаат можност да присуствуваат на настапи на артисти од Франција, Германија, Финска, Грција, Австралија и се разбира од Македонија, соопштија Славчо Коцев и Сашко Костов, организатори и уметнички уредници на фестивалската програма.

Коцев и Костов издвоија дека организирањето на фестивалот има за цел да придонесе за децентрализација и деметрополизација на културата и уметноста преку квалитетни соджини коишто се од исклучителна важност за Велес.

„Ултра квалитетно фестивалско издание ќе биде годинешното,“ вети Фаук Мефаиловски според кого присутните велешани како и публиката од соседните градови па и од државата ќе има можност да проследи настапи на артисти кои досега настапиле во Берлин или во Лондон и сега во Велес, рече Фаик Мефаилоски, организатор и уметнички уредник на програмата на Фестивалот.

Организаторите соопштија дека За целокупниот графички дизајн на фестивалот и оваа година се погрижи уметникот Филип Коруновски. 

Убавка Јаневска

Програма на Фестивал на „Џез, World и Современа музика”

29.09.2024  Спомен костурница Велес – Перформанс на

James Wylie и Egli Katsiki (AUS/GRC)

почеток 20:00

Europe House Велес – концерт на

Влатко и Лемпи (MKD/FIN)

почеток 22:00

 09.10.2024 Europe House Велес промоција на книга на Александра Спасеска,

почеток 19:00

18.10.2024 Перформанс на

Antez (FRA)

почеток 20:00.

 19.10.2024 = малата сцена во Театар „Ј.Х.К Џинот“ – Велес работилница со

Antez (FRA)

почеток 20:00

25.10.2024 – големата сцена во Театар„Ј.Х.К Џинот“ – Велес концерти на

Third World Quartet (MKD)

Zoe’s Shanghai (FRA)

The Hatchetations (GER)

почеток 20:00

26.10.2024 – големата сцена во Театар „Ј.Х.К Џинот“ концерти на

Филип Динев/Мартин Ѓаконовски дуо (MKD/GER)

Калата (MKD)

почеток 20:00

27.10.2024 – големата сцена во Театар „Ј.Х.К Џинот“ концерти на

Lufthanza (MKD)

Данчо Саздов/ TDR (MKD)

почеток 20:00