„Дојде време да и вратам нешто на Македонија. Таа секогаш била моја инспирација. Дојде време да им кажеме дека им дојде крајот. Нашиот почеток е нивен крај“ – ова меѓу другото го рече пред кавадарчани на предизборен митинг кандидатот на ВМРО-ДПМНЕ, Гордан Силјановска-Дафкова, барајќи ја нивната поддршка. Се осврна на лошите политики на актуелната власт. Порача дека со нејзиниот избор за претседател државата ќе си го најде европското место, овде во Македонија.

Mинистерката за одбрана Радмила Шеќеринска  и началникот на ГШ на АРМИ генерал мајор Васко Ѓурчиновски денеска присуствуваа на воената вежба „Македонски блесок 14“ на армискиот полигон Криволак. Таа нагласи дека се прават напори за подобрување на условите за работа во армијата.

И после 80 години од издавањето на најзначајното литературно дело на македонската литература , збирката песни ,,Бели Мугри``, нашиот сограѓанин, поет и револуционер Коста Солев Рацин не престанува да не`изненадува и инспирира. Кога мислев дека добро го познавам делото на Рацин, дојдов до некои негови ракописи, кои ниту јас, но и многубројната читателска публика, претходно, не сме ги читале.

„Модерна Баба Ванѓа“ која се занимава со модерна интелигенција за машинско учење и податочно рударење каде преку разни податоци се стекнува знаење кое се пренесува на машините. Вака најлесно,народски, би се објаснила компанијата која врши предвидување врз база на податоци и се вика „Elevate Global“ што ја менаџира велешанецот Ѓорѓи Маџаров, ко-основач и технички директор, реномиран универзитетски професор на „Финки“. Станува збор за стартап компанија со седиште во Скопје чиј софтвер со огромна брзина трансферира голем број податоци во применливо знаење при носење деловни одлуки.

Озарени лица, насмевки и возбуда во очите. Вака ги пречекаа учениците на ПОУ „Маца Овчарова“ припадниците на македонската армија од касарната „Алексо Демневски Бауман“ во нивното училиште. Следеа громогласни радувања, гушкања и аплаузи кога припадниците на армјата ги поделија играчките што им ги купија од средства што лично ги издвоија од својата плата. И дружбата започна а можеше да трае бесконечно долго затоа што и децата и војниците ја посакуваа. Се играше пикадо.

Во владиниот План за чист воздух освен градот Скопје опфатени се 16 општини во државата. Досега интервентни мерки Владата превзела во Битола, Тетово, Куманово, Кавадарци каде исто така се спроведуваат проекти за енергетска ефикасност и се интервенира преку поставување на нови топловодни системи. Вака одговори Јани Макрадули ,заменик министерот за заштита на животна средина на новинарско прашање што превзема државата за намалување на загадувањето во внатрешноста на Македонија ако се има во предвид дека вчера, среда 22 јануари во Велес се регистрирани скоро три пати повисоки вредности на ПМ 10 во воздухот од максимално дозволените концентрации.